ខ្ញុំ(ម៉ូរ៉ាយ៉ាម៉ា) បានឈឺភ្លាមៗ បន្ទាប់ពីបុណ្យចូលឆ្នាំខ្មែររួច ហើយខ្ញុំបានចូលគេងក្នុងមន្ទីរពេទ្យអស់រយៈពេលពីរសប្ដាហ៍នៅក្រុងភ្នំពេញ។ នៅសប្ដាហ៍ដំបូង ខ្ញុំបាននៅក្នុងបន្ទប់សង្គ្រោះបន្ទាន់ ICU (Intensive Care Unit ផ្នែកថែទាំចាំបាច់ខ្លាំង)។ ជំងឺរបស់ខ្ញុំមានអាការៈធ្ងន់ធ្ងរខ្លាំង។ បន្ទាប់មក ខ្ញុំបានចេញពីបន្ទប់នោះ ហើយឥឡូវខ្ញុំកំពុងសម្រាកនៅក្នុងផ្ទះភ្នំពេញ។ ខ្ញុំជិតជាហើយពេលនេះ។ ពិតជាសំណាងល្អណាស់។ នេះគឺជាមូលហេតុដែលខ្ញុំមិនអាចធ្វើបច្ចុប្បន្នភាពប្លុកនេះ ដែលបានប្ដូរឈ្មោះ និងដាក់ផ្សាយអត្ថបទ អស់រយៈពេលជាងមួយខែកន្លងមកហើយ។ ខ្ញុំនឹងចាប់ផ្ដើមសរសេរឡើងវិញ។ នៅពេលនេះ គឺនិយាយអំពីគម្រោង KICC ម្ដងទៀត ដែលបានចប់កាលពីខែធ្នូកន្លងទៅនេះ។ កាលពីខែមុន នៅថ្ងៃទី២៧ មេសា បទបង្ហាញរបស់គម្រោង KICC បានរៀបចំឡើងនៅការិយាល័យ KICC ក្នុងក្រុងកូបិ។ មានអ្នករស់នៅក្នុងក្រុងកូបិ និងក្រុងផ្សេងទៀតចំនួនប្រហែល២០នាក់ បានចូលរួមកិច្ចប្រជុំនេះ។ អ្នកចូលរួមពីប្រទេសកម្ពុជាតាមរយៈការតភ្ជាប់អ៊ីនធ័រណែត មានលោកនាយក ឃាង, អ្នកគ្រូ ពិសី គ្រូបង្រៀននៅសាលាគរុកោសល្យកំពង់ធំ (និងលោកភីន ទទួលបន្ទុកខាងបកប្រែ)។ ក្នុងអំឡុងពេលធ្វើបទបង្ហាញ អ្នកគ្រូពិសី បានលើកឡើងនូវចំនុចដូចតទៅនេះ ដែលស្ដីពី “បទពិសោធមេរៀនដែលទទួលបានពីគម្រោង” ៖ នៅក្នុងបទបង្ហាញរបស់អ្នកគ្រូ អ្នកគ្រូបាននិយាយយ៉ាងច្រើនអំពីការសង្កេតថ្នាក់រៀនរបស់គាត់នៅសាលាបឋមសិក្សាមួយចំនួនក្នុងក្រុងកូបិ ប្រទេសជប៉ុន។...

　　　　អាកាសធាតុនៅក្រុងភ្នំពេញកាន់តែក្ដៅពីមួយថ្ងៃទៅមួយថ្ងៃ។ ហើយខ្ញុំក៏មានការបារម្ភអំពីព័ត៌មានដែល​បានផ្សព្វផ្សាយថានៅភ្នំពេញមានខ្យល់ពុលខ្លាំងជាងគេបំផុតនៅក្នុងពិភពលោក។ តើលោកគ្រូអ្នកគ្រូសុខសប្បាយជាទេ?             វាមានរយៈពេលជិតបីខែហើយ ចាប់តាំងពីគម្រោង KICC បានចប់។             នៅក្នុងខែមីនា មានការងារស្ម័គ្រចិត្ត ពិភាក្សាអំពី IBL (Inquiry Based Lesson ការសិក្សាតាមបែបរិះរក) នៅសាលាគរុកោសល្យកំពង់ធំ។             គំរូដើមរបស់ IBL កំពង់ធំត្រូវបានណែនាំដោយ សាស្រ្តាចារ្យ អូកាម៉ូតូ យូស៊ីហ៊ីរ៉ូ ដែលជាជំនាញការរបស់គម្រោង KICC។ ឯកសារ IBL ប្រហែល ១០០សន្លឹក ត្រូវបានប្រើប្រាស់ ក្នុងគម្រោងអំឡុងរយៈ ពេល៣ឆ្នាំមកនេះ។             តើសៀវភៅធនធានបែបណានឹងត្រូវបង្កើតឡើងដោយផ្អែកលើសន្លឹកឯកសារទាំងនេះ? គ្រូឧទ្ទេសសាលាគរុកោសល្យកំពង់ធំបានកំពុងចាប់ផ្ដើមធ្វើសៀវភៅធនធាន។             ខ្ញុំគិតថាវាជាការប្រសើរក្នុងការបង្កើតសៀវភៅណែនាំជាមុនសិន សម្រាប់គរុសិស្សសាលាគរុកោសល្យកំពង់ធំ ដើម្បីជួយពួកគាត់ឲ្យយល់ IBL។ នាពេលអនាគត វារឹតតែប្រសើរថែមទៀត ប្រសិនបើសៀវភៅនេះអាចត្រូវបានណែនាំទៅកាន់វិទ្យាស្ថានបណ្តុះបណ្ដាលគ្រូជាច្រើនទៀត (TEC/RTTC/PTTC)។             ពេលដែលគម្រោង KICC បានចាប់ផ្ដើមកាលពីបីឆ្នាំមុន IBLគឺជាវិធីសាស្រ្តបង្រៀនមួយដែលប្រើតែនៅក្នុងមេរៀនពិសោធន៍វិទ្យាសាស្រ្ត។             បន្ទាប់មក គម្រោង KICC...

　　　　សមាជិកជនជាតិជប៉ុនរបស់គម្រោង KICC នឹងអញ្ជើញមកកំពង់ធំ ចំនួនមួយសប្ដាហ៍ ចាប់ពីថ្ងៃស្អែក (២៣ធ្នូ) ហើយក៏នឹងជាសកម្មភាពចុងក្រោយរបស់គម្រោង KICC ដែរ។             ខ្ញុំសប្បាយចិត្តដែលអាចបង្ហោះប្លុកនេះមុនថ្ងៃចន្ទ។　ខ្ញុំទើបតែធ្វើវាឲ្យទាន់ពេល។             នៅក្នុងអត្ថបទមុនៗ និងចុងក្រោយមុននេះ ខ្ញុំបានសរសេរអំពី “ឯកតាគំនិត Unit Concept” និង “IBL សម្រាប់គ្រប់មុខវិជ្ជាទាំងអស់” ដែលណែនាំដោយភាគីជប៉ុនទៅកាន់គ្រូឧទ្ទេស/គ្រូសាលាគរុកោសល្យខេត្តកំពង់ធំ ក្នុងគម្រោង​ KICC ។             លើកនេះ ខ្ញុំចង់បង្ហាញពីការំឮកឡើងវិញនូវអត្ថបទទាំងនោះ។             ជាដំបូង មាន “ប្រធានបទមេរៀន (Subject matter)” ដែលសិស្សរៀននៅក្នុងមួយជំពូក (ឬមេរៀនរង)។ “ប្រធានបទស្នូល” បង្ហាញនៅក្នុងដ្យាក្រាមខាងក្រោម ត្រូវបានគេគិតថាដូចគ្នានឹងមុខវិជ្ជានៅក្នុងជំពូក/មេរៀន។             “ប្រធានបទ” នៅក្នុងជំពូក/មេរៀន ក៏អាចត្រូវបានគេបកប្រែទៅជាពាក្យ “វត្ថុបំណង” នៃការសិក្សា។             ដើម្បីសម្រេចបាននូវ “ប្រធានបទ/ប្រធានបទស្នូល/វត្ថុបំណង” គួរតែមានមេរៀនច្រើនជាងមួយ។ គ្រូបង្រៀនរៀបចំកិច្ចតែងការមេរៀន ដើម្បីឲ្យ “មេរៀន”ជាច្រើនមានទំនាក់ទំនងគ្នាទៅវិញទៅមក និងដើម្បីឲ្យសិស្សរៀនប្រកបដោយប្រសិទ្ធិភាព។             ដូចនេះ...

            ជាដំបូង និងជាថ្មីម្ដងទៀត រំហូរនៃការបង្រៀនតាមបែបរិះរក (IBL) មានដូចបង្ហាញខាងក្រោម។ 　　　　ដ្យាក្រាមនេះត្រូវបានប្រើប្រាស់ដំបូងនៅក្នុងគម្រោងចៃកា STEPSAM2 ពីឆ្នាំ២០០៨ ដល់ឆ្នាំ ២០១២ ដែលគ្រូបណ្ដុះបណ្ដាលភាគច្រើនជាគ្រូឧទ្ទេសផ្នែកវិទ្យាសាស្រ្តនៅ NIE ហើយនៅពេលនោះ សិក្ខាកាមគឺជាគ្រូឧទ្ទេសផ្នែកវិទ្យាសាស្រ្តមកពីសាលាគរុកោសល្យ RTTC និង PTTC។ គោលបំណងគឺដើម្បីណែនាំពិសោធន៍វិទ្យាសាស្រ្តទៅក្នុងមេរៀននៅតាមសាលានានា។             ដោយផ្អែកលើដ្យាក្រាមខាងលើ ដ្យាក្រាមខាងក្រោមបង្ហាញពីរំហូរនៃមេរៀនសាមញ្ញ ដែលចាប់ផ្ដើមពីជំហ៊ានសំណួរគន្លឹះ (KQ)។ 　　　នៅក្នុងជំហាន① គេនិយាយថា “គ្រូបង្កើតសំណួរគន្លឹះ”។ នៅទីនេះ “សិស្សគិតអំពីសំណួរគន្លឹះ” ក៏អាចទទួលយកបាន។ នៅក្នុងករណីនេះ គេសន្មតថា ការអភិវឌ្ឍថ្នាក់រៀននឹងផ្ដោតលើការធ្វើពិសោធនៅក្នុងជំហ៊ាន③ ។ 　　　ទោះជាយ៉ាងណាក៏ដោយ មិនមានសកម្មភាពដែលឆ្លើយតបទៅនឹងពិសោធវិទ្យាសាស្រ្តនៅក្នុងមុខវិជ្ជាផ្សេងៗទៀត ដូចជាភាសាខ្មែរ សិក្សាសង្គមឡើយ។ ដូចនេះ វាមានការពិបាកក្នុងការអនុវត្ត IBL សម្រាប់ពិសោធវិទ្យាសាស្រ្តនៅក្នុងម៉ោងរៀនភាសាខ្មែរ ឬសិក្សាសង្គមណាស់។ 　　　ក៏ប៉ុន្តែ IBL ត្រូវបានគេប្រើនៅក្នុងមុខវិជ្ជាជាច្រើននៅសាលាបឋមសិក្សាក្នុងប្រទេសជប៉ុន។ ជាឧទាហរណ៍ គ្រូបង្គោល/គ្រូបង្រៀនសាលាគរុកោសល្យកំពង់ធំ ដែលបានចូលរួមគម្រោង KICC បានធ្វើការសង្កេតមើល IBL ជាច្រើនប្រភេទ ក្នុងអំឡុងពេលពួកគាត់ទៅទស្សនកិច្ចសាលាបឋមសិក្សាមួយចំនួននៅកូបិ ប្រទេសជប៉ុន។...

                  នៅក្នុងរឿងនេះ និងរឿងបន្ទាប់ យើងនឹងណែនាំអំពីគោលគំនិត IBL ដែលគម្រោង KICC បានស្នើដល់លោកគ្រូអ្នកគ្រូសាលាគរុកោសល្យកំពង់ធំ។ ជាដំបូង សូមនិយាយអំពី “ឯកតាគំនិត (unit concept)” ជាមុនសិន។             ប្រសិនបើអ្នកមានសំណួរថា “តើ “Unit គឺជាអ្វី?” សូមចូលមើលគេហទំព័រចំនួនបី នៅក្នុងប្លុក របស់គម្រោង KICC។ គំនិតនៃផែនការមេរៀន – ផ្នែក១　　単元計画という考え方　その１ – KampongThomPTTC&KICCProject គំនិតនៃការធ្វើផែនការមេរៀន    វគ្គ២　　　　単元計画という考え方　Part2 – KampongThomPTTC&KICCProject គំនិតនៃការធ្វើផែនការមេរៀន  ឬ ផែនការ “មេរៀនរង”   វគ្គ3　　　　単元計画、あるいは小単元計画という考え方　Part3 – KampongThomPTTC&KICCProject តោះចាប់ផ្ដើម!             ជាដំបូង សូមពិនិត្យមើលដ្យាក្រាមខាងក្រោម។ តារាងនេះបង្ហាញពីរំហូរ “IBL” ដែលជាប្រភេទ IBL ដ៏ពេញនិយមជាងគេបំផុតនាពេលបច្ចុប្បន្ន។ ដ្យាក្រាមនេះផ្អែកទៅលើគម្រោងចៃកា STEPSAM2 ដែលបានអនុវត្តពីឆ្នាំ ២០០៨ ដល់ឆ្នាំ ២០១២។ ដូចដែលខ្ញុំបានសរសេរជាច្រើនដងនៅក្នុងប្លុកនេះ STEPSAM2...

            នៅក្នុងសៀវភៅសិក្សាអក្សរសាស្រ្ត (ភាសាខ្មែរ)មានប្រធានបទច្រើនប្រភេទ។ វាមានមេរៀនទាក់ទងទៅនឹង បរិដ្ឋាន សីលធម៌ វប្បធម៌និងទំនៀមទំលាប់ប្រពៃណីខ្មែរ អប់រំ សុខភាពនិងអនាម័យ រដូវបុណ្យទាន និងបញ្ហាគ្រួសារ ។ល។ វាអាចមានច្រើនជាងនេះទៀត។ ក្នុងពេលតែមួយនៅពេលកំពុងអានសៀវភៅ សិស្សអាចរៀនធ្វើ “កិច្ចការដោយប្រើភាសាបច្ចេកទេស (Language-specific learning tasks)” ដូចជា រៀនវាក្យសព្ទ(ពាក្យផ្គុំ) រៀនពាក្យមួយម៉ាត់ៗ រៀនបញ្ចេញសូរសំឡេង វេយ្យាករណ៍ ជំនាញសរសេរ និងរៀនអានអត្ថបទវែងៗ។             ជាញឹកញាប់ នៅពេលយើងព្យាយាមដាក់បញ្ចូល IBL ទៅក្នុងភាសាជាតិ (ភាសាខ្មែរ) សកម្មភាពសិស្សត្រូវបានផ្ដោតទៅលើ “ការយល់ដឹង ឬការធ្វើឲ្យប្រសើរទៅលើអ្វីដែលបានសរសេរនៅលើប្រធានបទផ្សេងៗ” ។             ឧទាហរណ៍ ប្រសិនបើសិស្សអានសៀវភៅសិក្សាអំពីបញ្ហាសំរាម (បញ្ហាបរិដ្ឋាន) វត្ថុបំណងរបស់សកម្មភាពសិស្សគឺអាចដោះស្រាយបញ្ហាសំរាមនៅក្នុងសាលារៀនរបស់ពួកគេ។             ទោះជាយ៉ាងណាក៏ដោយ បញ្ហាស្រដៀងគ្នាក៏ត្រូវបានគេមើលឃើញនៅក្នុងមុខវិជ្ជា “សិក្សាសង្គម” និង “សីលធម៌”។ ទោះបីជានៅក្នុងសិក្សាសង្គម សិស្សអាចធ្វើសកម្មភាពដោះស្រាយបញ្ហាសំរាមនៅក្នុងសាលារៀនរបស់ពួកគេបាន។             ឥឡូវ នៅក្នុងករណីនេះ តើមានភាពខុសគ្នាយ៉ាងដូចម្ដេចរវាងសិក្សាសង្គម និងភាសាខ្មែរ?            ...

            នៅក្រុងភ្នំពេញនាពេលនេះ ភ្លៀងបានបន្តធ្លាក់រហូត ដោយសារតែវាជារដូវវស្សា។           ខ្ញុំខានបានជួបមុខសមាជិកសាលាគរុកោសល្យកំពង់ធំអស់រយៈពេលប្រហែលមួយខែហើយ។ តើអ្នកទាំងអស់គ្នាសុខសប្បាយជាទេ? សាលាគរុកោសល្យនឹងមានការរៀបចំប្រលងចូល។ តើអ្នកទាំងអស់គ្នារវល់នឹងការរៀបចំប្រលង, មែនទេ?             គ្រូឧទ្ទេសសាលាគរុកោសល្យកំពង់ធំកំពុងព្យាយាមប្រើប្រាស់ IBL កំពង់ធំនៅក្នុងមេរៀនមុខវិជ្ជាភាសាខ្មែរ។ ពួកគាត់បានកំពុងរៀបចំសិក្ខាសាលាជាមួយក្រុមការងាររបស់គាត់ ដោយគ្មានវត្តមានជំនាញការជប៉ុន ។ 　　　　វាគឺជារឿងដ៏គួរឲ្យកោតសរសើរណាស់ មែនទេ? ខ្ញុំពិតជាសប្បាយចិត្តណាស់។             ក្រុមការងារជប៉ុននឹងចុះទស្សនកិច្ចនៅកំពង់ធំម្ដងទៀត ចាប់ពីថ្ងៃទី៣ ខែសីហា។ ខ្ញុំនឹឹងសប្បាយចិត្តបើយើងអាចជួបគ្នាសម្រាប់មេរៀនថ្មីផ្សេងទៀត។ ប៉ុន្តែលោកគ្រូអ្នកគ្រូមិនចាំបាច់ព្យាយាមបង្ខំរៀបចំឲ្យទាន់ពេលនោះឡើយ។ សូមបន្តការបង្កើតមេរៀនដោយប្រើ IBL កំពង់ធំ ទៅតាមល្បឿនរបស់លោកគ្រូអ្នកគ្រូ។             កាលពីជាង១០ឆ្នាំមុន មានគម្រោងវិទ្យាសាស្រ្តមួយរបស់ចៃកា ដែលមានឈ្មោះថា STEPSAM2។ គ្រូឧទ្ទេសវិទ្យាសាស្រ្ត ដូចជា លោកគ្រូ វុទ្ធី និងលោកគ្រូ សែម រួមទាំងគ្រូឧទ្ទេសផ្សេងទៀតដែលបានអញ្ជើញមកពីគ្រប់សាលាគរុកោសល្យទាំងអស់បានចូលរួមមវគ្គបណ្ដុះបណ្ដាលនៅក្នុងគម្រោង (នាយកសាលាក៏អញ្ជើញចូលរួមដែរ)។ នៅពេលនោះ សិក្ខាកាមបានប្រឈមនឹងការដាក់បញ្ចូលសកម្មភាពសិក្សាតាមបែបរិះរកទៅក្នុងថ្នាក់រៀនរបស់ពួកគាត់។             នៅពេលនោះ គោលបំណងរបស់គម្រោងគឺចង់ប្រើពិសោធវិទ្យាសាស្រ្តដើម្បីបង្រៀនឲ្យមានប្រសិទ្ធភាព។ វាមិនគ្រប់គ្រាន់ទេដោយគ្រាន់តែធ្វើពិសោធមួយនៅក្នុងមេរៀនមួយ។ ចូរបង្កើតសម្មតិកម្មដែលសមស្រប។ ចូរវិភាគ និងពិភាក្សាលើទិន្នន័យដែលកំពុងតែមាន។ ចូរធ្វើសេចក្ដីសន្និដ្ឋាន។ យើងត្រូវការសកម្មភាពសិស្សបែបនេះ។　...

              នៅក្នុងប្លុកកាលពីលើកមុន ខ្ញុំបានសរសេរអំពីការបង្រៀនបង្ហាញ Lesson Study ថ្នាក់ទី៦ ដោយលោកគ្រូ ខេមរិន្ទ ដែលជាគ្រូឧទ្ទេសសាលាគរុកោសល្យកំពង់ធំ កាលពីថ្ងៃទី៤ មិថុនា។               គម្រោង KICC នឹងបញ្ចប់នៅខែធ្នូនេះ។ នៅសល់តែ៦ខែទៀតតែប៉ុណ្ណោះ។ ក្នុងកំឡុងពេលនេះ តើអាចរៀបចំថ្នាក់រៀនបង្ហាញបានចំនួនប៉ុន្មានទៀត សម្រាប់ការអនុវត្ត IBL កំពង់ធំ?  នាពេលថ្មីៗនេះ មេរៀនចំនួនបី កំពុងតែត្រូវបានរៀបចំ (មេរៀនមួយសម្រាប់សាលាគរុកោសល្យកំពង់ធំ និងមេរៀនពីរទៀត សម្រាប់សាលាបឋមសិក្សាអនុវត្ត)។ ខ្ញុំសង្ឃឹមថាលោកគ្រូអ្នកគ្រូនឹងព្យាយាមសាកល្បងរៀបចំមេរៀនស្ទីលថ្មីៗជាច្រើនទៀត។ ខ្ញុំទន្ទឹងរង់ចាំតាមដានពួកគេ។               ទោះបីជាគម្រោង KICC ចប់ក៏ដោយ ក៏គ្រូឧទ្ទេស/គ្រូបង្រៀននៅសាលាគរុកោសល្យកំពង់ធំ និងសាលាបឋមសិក្សាអនុវត្តនឹងបង្រៀនបង្ហាញ ពេលដែលមានការជជែកអំពី IBL កំពង់ធំ ទៅកាន់សាលាគរុកោសល្យផ្សេងៗទៀត (PTTCs/RTTCs/TECs)។ ប្លុកនេះសរសេរឡើងដោយប្រកាន់គំនិតបែបនេះ។                ជាដំបូង យើងត្រូវតែជៀសវាងដាច់ខាតក្នុងការធ្វើឲ្យគ្រូដែលបង្រៀនមេរៀនបង្ហាញគឺជា “ជនចុងចោទ”។ នៅពេលប្រជុំពិភាក្សាបន្ទាប់ពីការសង្កេតថ្នាក់រៀន សំណួរជៀសមិនផុតនឹងកើតមានឡើងទៅកាន់គ្រូដែលបានបង្រៀនមេរៀន។ ឬ គ្រូដែលបង្រៀនមេរៀនត្រូវតែពន្យល់ពីគោលបំណងថ្នាក់រៀន។                ពេលដែលខ្ញុំឃើញទិដ្ឋភាពបែបនេះ ខ្ញុំតែងតែគិតថា “សូមចាំបន្តិចសិន!”។                ការប្រជុំបន្ទាប់ពីបង្រៀនមេរៀនគឺជាពេលដែលអ្នកសង្កេតថ្នាក់រៀនត្រូវចែករំលែកនូវអ្វីដែល...

            នៅថ្ងៃទី៤ មិថុនា នៅសាលាបឋមសិក្សាអនុវត្តនៃសាលាគរុកោសល្យខេត្តកំពង់ធំ លោកគ្រូខេមរិន្ទ ដែលជាគ្រូបង្រៀននៅសាលាគរុកោសល្យខេត្តកំពង់ធំ បានរៀបចំថ្នាក់សិក្សាមេរៀន (Lesson Study) សម្រាប់មុខវិជ្ជាភាសាខ្មែរថ្នាក់ទី៦ ដោយប្រើប្រាស់ IBL កំពង់ធំ។ លោកគ្រូ ខេមរិន្ទ បានប្រើប្រាស់ផ្នែកមួយនៅក្នុងសៀវភៅសិក្សាភាសាខ្មែរថ្នាក់ទី៦ មេរៀនទី៤ ដែលសិស្សបានរៀនម្ដងរួចមកហើយ។ គ្រូៗនៅសាលា PTTC សឹងតែទាំងអស់គ្នាបានចូលរួមកម្មវិធីនេះ។             ខ្ញុំក៏បានសង្កេតថ្នាក់រៀនតាមរយៈZoom ក្នុងពេលជាមួយគ្នានោះដែរ។ ក៏ប៉ុន្តែ ពុំមានអ្នកបកប្រែចូលរួមជាមួយក្នុងពេលនោះទេ។ ដូចនេះ ខ្ញុំគ្រាន់តែអាចស្រមៃនូវអ្វីដែលលោកគ្រូខេមរិន្ទ និងសិស្សគាត់និយាយតែប៉ុណ្ណោះ ដោយសារខ្ញុំមិនសូវចេះភាសាខ្មែរទេ។             កាលពីសប្តាហ៍មុន ក្រុមការងារ (អ្នកជំនាញជប៉ុនទាំងអស់) បានទស្សនាជាមួយនឹងអ្នកបកប្រែដ៏អស្ចារ្យគឺលោក ភិន ដែលជាវីដេអូ។ ដូចនេះ ខ្ញុំអាចយល់ពីខ្លឹមសារថ្នាក់រៀនបានយ៉ាងច្បាស់។ សូមអរគុណលោកភីន ខ្លាំងណាស់។              ថ្នាក់រៀនបានបញ្ចូលសកម្មភាពសិស្សអាននូវអ្វីដែលមានសរសេរនៅក្នុងសៀវភៅសិក្សា (ភាសាខ្មែរ ថ្នាក់ទី៦ ទំព័រ ៥៥ – ៥៦) និងបានគូររូបភាពទៅតាមខ្លឹមសារនូវអ្វីដែលគេបានអានដោយសេរី។ ហេតុអ្វីត្រូវគូររូបភាព នៅក្នុងម៉ោងរៀនភាសាខ្មែរ? ខ្ញុំគិតថាប្រហែលជាមានអ្នកចង់សួរសំណួរថា “ហេតុអ្វីសិស្សត្រូវការគូររូបនៅក្នុងម៉ោងរៀនភាសាខ្មែរ?”។            ...