សំណួរដែលមានចម្លើយត្រូវ និង សំណួរដែលគ្មានចម្លើយណាមួយឲ្យត្រូវពិតប្រាកដ តើអ្វីទៅដែលហៅថាចម្លើយត្រូវ? 正しい答えのある質問、正しい答えがない質問、正しいって何だろう？？
សួស្ដីឆ្នាំថោះ។ ខ្ញុំសង្ឃឹមថាលោកគ្រូអ្នកគ្រូនៅតែបន្តកិច្ចសហការរីករាយធ្វើការជាមួយគ្នានៅក្នុងឆ្នាំថ្មីនេះទៀត។ ជាការប្រសើរណាស់ នេះគឺជាការបង្ហោះដំបូងរបស់ខ្ញុំសម្រាប់ឆ្នាំថ្មី។ 1＋１＝□ និង ５X４＝□ នៅក្នុង □ មានចម្លើយដែលត្រឹមត្រូវ។ តើដូហ្វីន (dolphin) ជាប្រភេទត្រី? ឬក៏ជាប្រភេទថនិកសត្វ? សំណួរប្រភេទនេះ មានចម្លើយត្រឹមត្រូវ។ ពាក្យ (និង) & (នឹង) មានសូរសម្លេងដូចគ្នា ប៉ុន្តែមានន័យខុសគ្នា។ ការសរសេរក៏ខុសគ្នាដែរ។ ហើយយើងក៏អាចឆ្លើយបានយ៉ាង “ត្រឹមត្រូវ”។ ប៉ុន្តែ នៅក្នុងជីវភាពប្រចាំថ្ងៃរបស់យើង និងចំពោះអនាគតរបស់ក្មេងជំនាន់ក្រោយ មានសំណួរជាច្រើនដែលយើងមិនអាចផ្ដល់ចម្លើយត្រឹមត្រូវបាន។ ជាក់ស្ដែងដូចជា របៀបចាយលុយ, របៀបប្រកបការងារ, នៅពេលឈឺឬរងរបួស តើគួរធ្វើយ៉ាងម៉េច, តើគួររៀបការឬអត់។ យើងមិនមានចម្លើយណាមួយឲ្យត្រូវពិតប្រាកដសម្រាប់បុគ្គលម្នាក់ៗឡើយ។ មានអ្នកខ្លះបានប្រាប់ថា ពួកគាត់នឹងទៅរកព្រះសង្ឃ ឬគ្រូទាយ ដើម្បីធ្វើការទស្សន៍ទាយ។ ខ្ញុំក៏សង្កេតឃើញថា មានអ្នកខ្លះចូលចិត្តអានសៀវភៅ ទស្សនាវដ្ដី ឬមើលតាមអ៊ីនធ័រណែតទាក់ទងនឹងហោរាសាស្រ្ត ឬប្រភេទឈាមជាដើម។ ទោះជាយ៉ាងណាក៏ដោយ វាគឺជាជីវិតរបស់យើង។ គ្មានអ្នកណាម្នាក់អាចដឹងប្រាកដថា “វាត្រូវឬអត់”។ វត្ថុបំណងរបស់គោលវិធីសិស្សមជ្ឈមណ្ឌលគឺជួយសិស្សឲ្យមានសមត្ថភាពរិះគិតដោយខ្លួនឯង។ “ការរិះរក”...
